محمد رمضان يقف قدام باسم سمرة في مسلسل واحد
تفتكروا إيه اللي ممكن يحصل لما محمد رمضان يقف قدام باسم سمرة في مسلسل واحد؟
خصوصًا بعد اللي باسم عمله في مسلسل «العتاولة»، والأداء اللي خلّى الجمهور يتكلم عن شخصياته ومواجهاته!
المرة دي المواجهة جاية في مسلسل “عشماوي”، المقرر عرضه في رمضان 2027، وباسم سمرة مش مجرد ضيف شرف، لكنه بيقدم شخصية محامي يدخل في صراعات مباشرة مع محمد رمضان، اللي بيجسد شخصية «خليفة»، المعروف بلقب “عشماوي”.
والحماس زاد أكتر بعد ما باسم سمرة نشر أول صورة جمعته بمحمد رمضان من كواليس التصوير، وكتب: “استنونا في رمضان”.. وكأن الصورة بتقول إن المواجهة بدأت من دلوقتي!
لكن السؤال اللي شاغل الجمهور: باسم سمرة هيقدم إيه المرة دي؟ هل هنشوف شخصية ذكية بتلعب بالقانون وتضيّق الخناق على «عشماوي»؟ وهل محمد رمضان هيقدر يخرج من الصراعات اللي هتحاصره، ولا باسم هيكون الخصم اللي يقلب له كل الحسابات؟
المسلسل من تأليف محمد إسماعيل أمين، وإخراج بيتر ميمي، وإنتاج صادق الصباح، وبيجمع كمان عددًا من النجوم، من بينهم مي عمر وانتصار ووليد فواز.
رمضان 2027 لسه ما بدأش، لكن المواجهة دي لوحدها كفاية ترفع سقف التوقعات!
قولولنا بقى.. مين تتوقعوا يخطف الأنظار في «عشماوي»: محمد رمضان ولا باسم سمرة؟
رفعت للتصميم
