المنافسة بين أحمد العوضي ومحمد رمضان …
المنافسة بين أحمد العوضي ومحمد رمضان شكلها هتبدأ قبل الموسم بوقت طويل.. وكل واحد فيهم بيوصل رسالته بطريقته، من غير ما يقول اسم التاني بشكل مباشر..
البداية مع محمد رمضان، اللي قال إن 3 سنين من الشغل اللي بيقدمه كفيلة تخلي الناس تشوفه بشكل مختلف، في تصريح فتح باب التساؤلات عن الرسالة اللي وراه، خصوصًا مع اقتراب موسم رمضان 2027.
أما أحمد العوضي، فكان كلامه عن المكانة اللي الجمهور حاطه فيها، وإن الناس هي اللي رفعته للمكانة دي، وكأنه بيأكد إن الحكم النهائي دايمًا للجمهور مش للكلام والتصريحات.
وهنا بدأت المقارنات والتكهنات.. هل كل واحد فيهم بيجهز نفسه للمنافسة على صدارة رمضان 2027؟ وهل التصريحات دي مجرد ثقة في النفس، ولا رسائل غير مباشرة للطرف التاني؟
المؤكد إن الجمهور بدأ المقارنة بدري، والمنافسة لو استمرت بالشكل ده، فالموسم الجاي ممكن يكون واحد من أكتر المواسم سخونة!
السؤال بقى: لو أحمد العوضي ومحمد رمضان اتقابلوا في رمضان 2027.. مين تتوقعوا يخطف الجمهور؟
رفعت للتصميم
