سِحرك لافف وراجعلك …
قصيده « سِحرك لافف وراجعلك »
بتدوق السِحر طب غيرك داقه
دا أكيد بتروح وبتعرض حُبك
وفى سياق كلامك سهم
بيخرق ظهره بألاعيبك
طب جربت السِحر
حطيته فى جيبه ولا فى إيده
سلمت عليه سلام الأحباب
كلت معاه العيش والملح
وقلبته عليه أذى وشرور
جربت تحاول تأذى بيتك
إبنك .. بنتك ..
حاول تسأل نفسك
وإشرب سِمك اللى بإيدك تأذى غيرك
ده السِم لافف وراجعلك
هيدوقه بيتك قبلك
ويبات في حضنك ويوجعك
فاكر نفسك شاطر وذكى
وإنت بإيدك بتهد بيتك
لا العيش صان ولا الملح نفع
ولا حتى ضميرك صَحاك
روح إسأل المرايه عن شكلك
شوف وشك بقى شبه إيه
ده اللى يبيع حبايبه بالرخص
عمره ما يلاقى حد شاريه
شُفت ربك كلمته قلت إن السحر محدش شافه
هو ناسيك لما الدور هيلف عليك
دور وإجرى وإسحر وإخرب
راح هتلاقى القبر مصيرك
مهمها هتبعد وتقول عادى
جايلك يوم لو بعد سنين
بقلم … شيماء محمد
رفعت للتصميم
