إيه سر إن عمرو دياب لسه قادر يكسب جمهور جديد بعد كل السنين دي؟..
إيه سر إن عمرو دياب لسه قادر يكسب جمهور جديد بعد كل السنين دي؟..
عمرو دياب مش مجرد مطرب بيقدم أغاني وتعدي.. ده اسم قدر يحافظ على مكانه وسط جمهور اتغيرت أذواقه ووسائل سماعه للموسيقى أكتر من مرة.
وفي كلامه الأخير، الهضبة كشف جزء من طريقته في التعامل مع النجاح، وقال إنه بيجتهد وبيحب شغله وبيحترم جمهوره، وكل فترة لازم يتغير هو كمان.
وده يمكن يفسر إزاي قدر يتعايش مع أجيال مختلفة؛ الجيل اللي عرفه من الكاسيت، واللي عاش مع أغانيه على القنوات الفضائية، والجيل اللي بيسمعه دلوقتي على المنصات.
عمرو مش بيحاول يفضل واقف في نفس المكان.. بالعكس، بيغير في شغله وشكله وطريقة تقديمه، وفي نفس الوقت بيحافظ على بصمته اللي الناس عرفته بيها.
والأهم إنه شايف إن الجمهور بيتغير، وبالتالي الفنان لازم يعرف يتغير معاه.
يمكن عشان كده تلاقي أغنية لعمرو دياب ممكن يسمعها الأب مع ابنه، وكل واحد فيهم عنده ذكريات مختلفة مع نفس الفنان.
سنين طويلة في الأغنية.. وأجيال كاملة لسه بتقول: عمرو دياب لسه ليه مكان عندنا.
رفعت للتصميم
