عمرو محمود ياسين يلمّح والجمهور مستني المفاجأة

ياسمين عبد العزيز راجعة رمضان 2027؟.. عمرو محمود ياسين يلمّح والجمهور مستني المفاجأة

من وقت ما خلصت أعمال ياسمين عبد العزيز الأخيرة، والجمهور مستني يعرف: هل الملكة هتظهر في رمضان 2027 ولا لأ؟

اللي زوّد التكهنات إن السيناريست عمرو محمود ياسين كشف إنه بالفعل بيكتب مسلسل جديد، ولسه ما استقرش بشكل نهائي على موعد عرضه، لكن رمضان 2027 من ضمن الاحتمالات المطروحة.

وهنا اسم ياسمين عبد العزيز ظهر لوحده..

لأن عمرو وياسمين مش مجرد ثنائي اشتغل مع بعض كذا مرة، لكن بينهم نجاحات وجمهور مستني دائمًا العمل الجديد اللي يجمعهم.

والأهم إن عمرو محمود ياسين أكد إن حتى لو ما حصلش تعاون بينهم في رمضان 2027، فده مش معناه إن التعاون انتهى، لأن فيه أفكار ومشاريع تانية مطروحة بينهم، وإن شغل جديد هيجمعهم في وقت ما.

يعني لحد دلوقتي مفيش إعلان رسمي إن ياسمين عبد العزيز بطلة المسلسل، لكن فيه مسلسل بيتكتب.. ورمضان 2027 احتمال موجود.. وثنائي ياسمين وعمرو لسه بينهم كلام عن شغل جديد.

رفعت للتصميم