
بتحاول تبقى أم .. منة شلبي بعد زواجها من المنتج أحمد الجنايني…
بتحاول تبقى أم.. منة شلبي بعد زواجها من المنتج أحمد الجنايني، بدأت، بحسب ما كشفه مقربون منها، لمواقع صحفية رحلة علاجية لتحقيق حلم الإنجاب.
والرحلة دي تتضمن محاولات للحقن المجهري، وسط أمنيات كبيرة إن الرحلة دي تنتهي بتحقيق حلمها وتصبح أم.
والحكاية مش مجرد إجراء طبي أو محاولة علاجية، لأن رحلة الإنجاب، خصوصًا لما تكون مرتبطة بالحقن المجهري، بتكون مليانة مشاعر متناقضة.. أمل في كل خطوة، وانتظار للنتيجة، وقلق من المجهول، وضغط نفسي ممكن يكون أكبر بكتير مما يظهر للناس.
وفي الوقت اللي منة بتعيش فيه التجربة دي بعيدًا عن التفاصيل المعلنة، تعرضت مؤخرًا لانتقادات على السوشيال ميديا بسبب بعض ردود أفعالها اللي وصفها متابعون بالعصبية والانفعال.
لكن مقربين منها طالبوا الجمهور بالرفق بيها، ومراعاة إنها ممكن تكون بتمر بظروف شخصية دقيقة، محتاجة فيها للدعم بدل الأحكام والانتقادات.
وفي النهاية، من حق منة تحتفظ بتفاصيل رحلتها لنفسها، ومن حقها كمان تعيش التجربة بعيدًا عن ضغط الجمهور والتعليقات.
كل الأمنيات لمنة شلبي إن رحلتها تنتهي بالفرحة اللي بتتمناها، وإن حلم الأمومة يتحقق ليها قريب.
رفعت للتصميم













