
تركي ال شيخ لغى متابعة عمرو دياب ايه اللي حصل بينهم بالظبط
فعلا تركي ال شيخ لغى متابعة عمرو دياب.. ايه اللي حصل بينهم بالظبط وازاي حصل كدا..
القصة بدأت بشائعة إلغاء المتابعة.. وانتهت بتركي آل الشيخ نفسه وهو بيرد على الجمهور بكلمتين: «غير صحيح»!
يبدو إن مجرد حركة على السوشيال ميديا ممكن تقلب الدنيا، وده اللي حصل مع المستشار تركي آل الشيخ والهضبة عمرو دياب، بعدما انتشرت أنباء عن إلغاء تركي متابعته لعمرو دياب على إنستجرام، وبدأ الجمهور يتساءل: هو حصل خلاف بين الاتنين؟ 😳
الحكاية بدأت لما متابعين لاحظوا غياب عمرو دياب عن فيديو ضم رسائل تهنئة من عدد كبير من النجوم لتركي آل الشيخ، وده فتح باب التكهنات، خصوصًا مع تداول أخبار عن إلغاء المتابعة.
لكن المفاجأة إن تركي آل الشيخ قرر يرد بنفسه على الشائعة، وكتب تعليقًا مقتضبًا: «غير صحيح»، نافيًا وجود خلاف بينه وبين الهضبة.
والأكثر لفتًا للانتباه إنه ما اكتفاش بالنفي، لكنه نشر فيديو من إحدى حفلات عمرو دياب عبر خاصية القصص على إنستجرام، وكتب عليه: «لما الصحاب يعملوا أغنية سوا تنجح كده»، في إشارة إلى تعاونهما الفني.
والحقيقة إن العلاقة الفنية بين الاتنين ممتدة من سنين، وتركي آل الشيخ كتب للهضبة أغنيات حققت نجاحًا كبيرًا، منها «محسود»، واستمر التعاون بينهما في ألبوم «حبيتك» اللي صدر في يوليو 2026، بأغنيتي «اتأخر عتابنا» و«جيتلك».
والسؤال بقى: هل كانت مجرد حركة عابرة على السوشيال ميديا، ولا الجمهور بقى بيراقب علاقات النجوم بالتفاصيل الصغيرة؟
رفعت للتصميم













