ربنا يبارك فى الشدة …
بقلم الشاعر … الحن طليس
ربنا يبارك فى الشدة
لما باينت الأصول
كشفنا وشوش ع الحقيقة
ولا فيها للوفا قبول
كنا نصون فى غيابهم
وهما فى الظهر بيغدروا
واللى نسيوا العيش والملح
عاشوا بألف وش يظهروا
لما احتجناهم فى ضيقة
فص ملح وما بانوش
دلوقتى جايين يستعطفوا
يا خسارة
ما عادوش يوحشوا
يتشطروا بس فى الجرح
ويبيعوا برخص التمن
يا ريتنا وعينا من بدرى
ولا ضاع العمر فى المحن
يالى بتسأل عن اللى فات
وعن الحنين اللى راح
عرفنا مين اللى باعنا
ومين شال فى القلب جراح
ومين وقت الجد وقف
ومين وقت الشدة مال
خلاص المعدن اتكشف
وبان مين الجدع من الأندال
بقلم الشاعر … الحن طليس
رفعت للتصميم
