جرّبت الجوع
جرّبت الجوع
جرّبت تعيش
م الخير ممنوع
جربت تشوف
مره عيونك
غرقانه دموع
جربت تنام
على دكه في شارع
او جامع
مدة اسبوع
جربت الصرخه الموجوعه
تطلع للناس وبصوت مسموع
جربت تكون
على باب حلمك
والحظ عشان
واقف ضدك
يامر برجوع
جربت تسافر بخيالك
والوهم حدودك
رسمالك
يرسم لك عمرك بالاسود وتعيش موجوع
جربت الفقر
في بحر الصوم
جربت تخاصم
طعم النوم
جربت الطيبه الايام دي بحروف اللوم
جربت تعيش ترضي في غيرك وتبات مظلوم
جربت الحزن اما يزلزل
ويهدد عمرك ليل ونهار وسنينك فجاه بتتسرسب وانت بتنهار
جربت تعيش تعمل حاجه
وما لكش قرار
جربت الحلم اللي بنيته من صغرك
يتهد في لحظه
لو عشت كلامي
ابقى اكتبلي
اي ملاحظه
وابعت ع الواتس
اوام ردك
و امسح احزانك
على حالتي
من فوق خدك
وان كنت فاكرني
عشان واقف
هنا قدامك
بتكلم
ابقى خلاص عايش
انا ميت
مين قالك عايش
ارجوك تكتب
وجهة نظرك
على صفحة كفني
على الهامش
كلمات الشاعر
محمد حراز
رفعت للتصميم
