يقولّي…

بقلم الشاعره … عزه عامر

يقولّي.. فات أوان الود

أقولّه.. الود ما بيفوتش

يقولّي.. بينا مليون سد

أقولّه.. عني ما بتغيبش..

يقولي: يا ستي ما تحاوليش

خلاص القصة محبوكة..

ملكيش في قلبي نبض يعيش

ولا أرواحنا مشبوكة..

أبص لعينُه.. ألقاها

شايلة لي قسوة امبارح

وكل حاجة فاكراها..

وأنا اللي قلت هيسامح.!

أتاري الدنيا دي دايرة

يومين لينا.. ويومين ليهم

ومفيش نار تبات بايرة

وهي جتنا تكوينا بيهم..!

أقولّه.. بعدنا فتنة

يقولّي.. الذنب في وجودنا!

أقولّه.. الشوق مموتنا..

يقولّي.. الزمي حدودنا

حاولت أرميله في شباكي

يقولّي.. البحر مش طايعك

أقولّه.. قلبي ما زال باقي

يقولي.. وقلبي أنا بايعك!

لابقيت أنطق ولا سامعه

بقيت غريبة في مكاني

يا قلبي أجل الدمعة

الومه إزاي وأنا الجاني!

مشيت بطفي آخر شمعة

وفي إيدي دفتر حساباتي

بقيت في قلبه أنا لعنة..

وفي قلبي بقى هو حياتي !

بقلم الشاعره … عزه عامر

#جديد

رفعت للتصميم