ولا جات فى الخاطر …
ولا جات فى الخاطر ولا البال
ولا جاش فى الكيف ترتيبهم
مكتوب عليا أشيل الهم
وأشوف الويل من تعذيبهم
طيبة زمانى ماليها جروح
والظلم كان عنوان طيبهم
فضلت أعاتب فى روحى
وضاع الحيل ومكانى
خطوتى تايهة وتاهت
معاها كل أزمانى
رميت همومى على بحر
ماله فى الغرق مرسى
وجيت أفرق دموعى
ما بين جرحه ونسيانى
ودنيا بتجرى وتجرى
ومش دارية اللى بيا
وعمرى عدى وفاتنى
وشاف العذاب فيا
ونفسى صابرة على المر
وقت البعد عن ناسى
وساعة الوصل خانتنى
وسابت فى الهوى إيديا
تايه فى سكة طويلة
ومين بياخد بإيديا
شايل جروحى بروحى
وناسى حتى ماضيا
وكنت فاكر زمان الصدق
يجمعنا فى ليالينا
أتاريها الغربة سرقتنا
وتاهت مننا أمانينا
لكن صابر على بلوتى
وراضى باللى مكتوب لى
بكره الفرح يجيلى يوم
ويضحك الزمان ليا
الحن طليس
رفعت للتصميم
