إيه اللي خلّى الطعم ثابت
إيه اللي خلّى الطعم ثابت
فوق شفايف عُمرنا المسروق
مين كان يروقْ
لحظة ما يلمس خدّها
يحتاج لكل سنين حياتُه…
لوصفها
يوهبْ لها
كام نهر كانوا من عسل
وأريكة من سُندُسْ
مين اللِّي علِّم حُزنها
يرقُص
غير قلب معجون زيّها
من طينة العاشقين
أنا وإنتي مين
هيفسّر الحلم اللي بيننا
يوم ما كُنّا بنسرقُه
ونعاند الدنيا
طاب يبقى مين
غير حرفها
لحظة ما يوصفنا سوا
ويشدّها من آخر المسافات
كان قلبُه مات
فجأة انتفض
ويّا القمر
وف لحظة الضمّة
عاشها وطن
وف خصرها استنّى
ينبت ضمير الوقت والحكاياتْ
كلمات الشاعر
محمد خليفة
Mohammed Ahmed Khalifa
رفعت للتصميم
