بِطمّن بيكي
بِطمّن بيكي ولو كل العالم ضدي
وأخاف لو أجيلِك وألاقيكي مرة تِصُدِّي
تعرفي إحساسي بيلمع لما بشوف عينِك
وفي بُعدِك إحساسي بيدبل، ومشاعري بتحزن وتَصدَى
يا جميلة إنتي بقيتي في كفة، والعالم ده كله في كفة
طول ما إنتِي بعيد، بأكون ميت من البرد وحيد
وإن لحظة أشوفِك بعيوني يلمسني إحساسِك دافي
الواحد عاوز إيه يعني غير حد شاريه
ويكون له أمان ويقين وإيمان
ويكون له النور وسط الضلمة
لو تاه فا ييجي له يشوف بعينه
كلمات الشاعر
حماده عركز
Hamada Arkaz
رفعت للتصميم
